Для дзяцей сёння дзень выдаўся насычаны: спартландыя «За спартыўную Беларусь», гульня па станцыях «Акцябраты і піянеры вывучаюць Беларусь», а таксама песенны батл «Песні пра малую Радзіму», наведванне школьнай выставы «Па матэрыялах расследавання фактаў генацыду на Пружаншчыне»….
Сёння ў прышкольным лагеры прайшло цудоўнае свята. Свае творчыя здольнасці рабяты паказалі ў конкурсе «Міс і містэр лагера». Ва ўпартай барацьбе Міс лагера стала Раманава Елізавета, а Містэрам — Губарык Арсеній.
Для выхаванцаў прышкольнага лагера быў праведзены круглы стол «Чырвонай кнізе Рэспублікі Беларусь — 45 гадоў». А таксама дзеці наведалі творчую майстэрню «Дары лета» ў ЦТДМ г.Пружаны.
17 чэрвеня для навучэнцаў дзявятых класаў адбылося ўрачыстае ўручэнне пасведчанняў аб агульнай базавай адукацыі. Свой першы дакумент аб адукацыі атрымалі восем выпускнікоў 9-х класаў. Дырэктар школы Сідарук Ніна Міхайлаўна пажадала дзецям зрабіць правільны выбар у жыцці і вызначыцца з выбарам будучай прафесіі. З добрымі словамі звярнулася таксама і класны кіраўнік Карнялюк Вольга Мікалаеўна і пажадала ўсяго найлепшага ў будучым.
14 чэрвеня запомніцца выпускнікам нашай установы на ўсё жыццё. Сёння для 8 юнакоў і дзяўчат адбыўся прыгожы і хвалюючы выпускны баль. У нашай школе ён праводзіцца ярка і маштабна, а падтрымаць адзінаццацікласнікаў, якія развітваюцца са школай, прыходзяць не толькі родныя, педагогі, але і сябры.
У добры шлях, выпускнікі!
Да 100-годдзя заснавання Нацыянальнай кінастудыі «Беларусьфільм» у гэты дзень выхаванцы прышкольнага лагера наведалі інфармацыйны дайджэст «100 гадоў беларускага кіно: этапы, фільмы, майстры». У гэты дзень выхаванцы таксама наведалі выратавальны пост АСВОД у г. Пружаны, дзе яшчэ раз ім напонілі пра правлы бяспекі на вадзе.
У рамках мерапрыемстваў, прымеркаваных да Года якасці ў прышкольным лагеры ў гэты дзень была праведзена гадзіна зносін «Беларусь — краіна са знакам якасці» спартландыя, а таксама дзеці наведалі Хараўскі клуб-бібліятэку.
Для выхаванцаў лагеря было праведзена спартыўнае свята » Мы за здаровы лад жыцця без тытуню!» у рамках мерапрыемстваў да Сусветнага дня без тытуню. Сёння дзеці наведалі Хараўскі клуб-бібліятэку, а таксама правялі гульнёвую праграму «Калі хочаш быць здаровым — закаляйся».
Дзень добрага настрою выдаўся вельмі гарачым. Выхаванцы лагера наведалі майстар-клас па танцам пры Калядзіцкім СДК, даведаліся на гадзіне зносін «Што такое добра? Што такое дрэнна?», паўдзельнічалі ў спартландыі.
11 чэрвеня хлопчыкі і дзяўчынкі правялі пад дэвізам «Сябруюць усе». Атрады чакалі спартыўныя спаборніцтвы «Мы за здаровы і бяспечны адпачынак», заняткі па ПДР «У гасцях у Светлафора», а таксама быў прадэманстраваны фільм «Десять жизней». Дзень прайшоў весела і па-сяброўскі.
