Каб быць здаровым неабходна не толькі займацца спортам, але і жыць з добрым настроем, выконваць парады здаровага ладу жыцця, правільна харчавацца . Таму дэвізам дня сённяўшняга стала знакамітая прыказка «У здаровым целе — здаровы дух». Сёння хлопчыкі і дзяўчынкі выявілі самых меткіх падчас спартыўных спаборніцтваў, прынялі ўдзел у гульнёвай праграме «Калі хочаш быць здаровым…». Завяршыўся дзень традыцыйным карнавалам «МАСКАМ РАДыя».
З усмешкай сёння — з усмешкай па жыцці! Вось дэвіз сённяшняга дня ў лагеры «Сонейка». Хлопчыкі і дзяўчынкі правялі акцыю «Падары ўсмешку сябру», а таксама сустрэліся на чэмпіянаце па разгадванні крыжаванак «Пра здароўе ад А да Я». Завяршыўся дзень конкурсам малюнкаў на асфальце «Рознакаляровае лета».
Дзень сяброў пачаўся з ранішняй гімнастыкі і абяцання «З усімі сёння сябраваць і цэлы дзень не сумаваць». Абяцанне хлопчык і дзяўчынкі выканалі з вялікім задавальненнем падчас спартландыі, мультурока «Давайце сябраваць», старэйшыя атрады правялі дыскусію на тэму «Віртуальны сябар або рэальны», а малодшыя шукалі сакрэты сапраўднага сяброўства. Дзякуючы такому дню цяпер сяброўства будзе крочыць з выхаванцамі ўсю змену.
9 ліпеня выхаванцы 3 атрада прышкольнага лагера «Сонейка» правялі летні ШАГ «Лета-час дзейнічаць. Калектыўна творчая справа-ні дня без справы!». Хлопчыкі і дзяўчынкі прысвяцілі сваю справу экалогіі і падрыхтавалі экалагічную замалёўку «Здавайце батарэйкі» і выступілі з ёй перад іншымі атрадамі.
8 ліпеня ў лагеры прайшло адкрыццё змены «У добры сонечны шлях». Пасля ўрачыстай лінейкі і сумеснага выканання гімна Рэспублікі Беларусь выхаванцаў чакалі сапраўдныя выпрабаванні, дзе неабходна было паказаць камандны дух. Атрады паспяхова выканалі ўсе заданні і атрымалі сімвалы змены — сонейкі-ўсмешкі.
7 ліпеня пачаў сваю дзейнасць прышкольны лагер «Сонейка». У першы дзень хлопчыкі і дзяўчынкі рыхтавалі атрадныя месцы, прэзентацыю атрада, а таксама ўспомнілі правілы бяспечных паводзін на летніх канікулах.
У апошні дзень канікул старшакласнікі наведалі Музей гісторыі Вялікай Айчыннай вайны і Нацыянальную бібліятэку. У музеі вучняў чакала 10 залаў з першага дня вайны да вялікай Перамогі. Сапраўдныя дакументы ваенных гадоў, вялікая экспазіцыя ваеннай тэхнікі і зброі, мультымедыйныя экспанаты, асабістыя рэчы і ўзнагароды ўдзельнікаў Вялікай Айчыннай вайны…і многае іншае дапамаглі яшчэ раз адчуць увесь жах той вайны і задумацца над тым, як добра, што сёння мы жывем пад мірным небам.
1 красавіка вучні пачатковых класаў наведалі Брэсцкі тэатр лялек. Пасля паспяховага праходжання квэста і майстар-класа па вырабу лялек вучні наведалі спектакль «Папялушка». Дзякуючы экскурсіі хлопчыкі і дзяўчынкі не толькі паглядзелі сапраўдную тэатральную пастаноўку, але і пазнаёміліся з работай тэатра.
Канікулы працягваюцца, а гэта значыць працягваецца час наведвання мерапрыемстваў: інтэлектуальная гульня «Разумнікі і разумніцы» сабрала жадаючых паспрачацца ў кемлівасці, конкурс калажаў «Глядзі на свет пазітыўна» запрасіў тых, хто пажадаў паспрабаць сабе ў творчай ролі, настольныя гульні і спартыўная зала таксама прапанавалі для сваіх наведвальнікаў цікавыя заняткі.
31 сакавіка вучні Хараўской сярэдняй школы наведалі Ружанскі замак Сапегаў, дзе пазнаёміліся з гісторыяў роду Сапегаў. Нягледзячы на разбурэнні, замак да гэтага часу дзівіць сваёй прыгажосцю і веліччу. Па дарозе дадому вандроўнікі наведалі жывёл у заапраку «Залаты фазан».