17 чэрвеня ў лагеры быў прысвечаны Рэспубліцы Беларусь і прайшоў пад дэвізам «Родная зямля грэе і аберагае». Дзень пачаўся з урачыстай лінейкі «Нашы сімвалы — наш гонар», а працягнуўся спартландыямі «За спартыўную Беларусь». Таксама ў атрадах прайшлі гульні-конкурсы да 140-годдзя з дня нараджэння Я.Коласа і Я.Купалы «І сёння з намі Колас і Купала».
17 чэрвеня з мэтай выхавання ў дзяцей паважлівых адносін да дзяржаўных сімвалаў, фарміравання паняцця, што дзяржаўная сімволіка – гэта агульнаграмадзянская каштоўнасць у прышкольным лагеры «Сонейка» прайшла ўрачыстая лінейка «Нашы сімвалы — наш гонар». Падчас лінейкі прагучалі вершы пра дзяржаўныя сімвалы Рэспублікі Беларусь, камандзіры атрадаў атрымалі права падняць дзяржаўны сцяг Рэспублікі Беларусь. Завяршылася сустрэча сумесным выкананннем гімна нашай краіны.
Выхаванцы прышкольнага лагера «Сонейка» сустрэліся з настаяцелем Свята-Пакроўскай царквы А.В.Кавальскім на круглым стале «Аб брыдкаслоўі і культуры паводзін», дзе абмеркавалі правілы культурных паводзін у сучасным грамадстве, а таксама пытанне брыдкаслоўя сярод падлеткаў. Напрыканцы сустрэчы атрады змаглі задаць настаяцелю свае пытанні.
Сапраўдныя турысты заўсёды ходзяць у паходы, таму выхаванцы лагера «Сонейка» адразу пасля сняданка адправіліся на р.Ясельда. Па дарозе атрады знаёміліся з лекавымі раслінамі, паглядзелі на славутасці аграгарадка, а на Ясельдзе разбілі лагер, падрыхтавалі турыстычнае меню, лавілі рыбу, праўда, пасля загадалі жаданні і выпусцілі ўлоў назад у раку. Сонечнае надвор’е і добры настрой суправаджалі выхаванцаў увесь дзень.
16 ліпеня ШАГ быў прысвечаны самакіраванню. Выхаванцы лагера вучыліся працаваць у камандзе, спрабавалі сябе ў ролі лідараў школьнага самакіравання, пазнаёміліся з дзейнасцю школьнага самакіравання і напрыканцы сустрэчы выпрацавалі 10 правіл сапраўднага лідара.
15 ліпеня выхаванцы лагера жылі пад дэвізам «Беражы сваю планету, бо іншай у нас няма», а гэта значыць, што 15 ліпеня ў лагеры прайшоў дзень экалогіі. Атрады зрабілі выставы экалагічных знакаў, паўдзельнічалі ў пазнавальнай праграме «Экалогія і я», здзейснілі прагулку «Прырода нашага краю».
Выхаванцы прышкольнага лагера «Сонейка» працягваюць сустрэчы на дыялогавых пляцоўках да Года гістарычнай памяці. Сёння перад хлопчыкамі і дзяўчынкамі выступіла старшыня пярвічнай прафсаюзнай арганізацыі школы Насытка С.У., якая пазнаёміла прысутных з дзейнасцю прафсаюзаў нашай краіны, а таксама адказала на пытанні. Напрыканцы сустрэчы прайшла дзелавая гульня «Я — член прафсаюза».
Аўторак 15 чэрвеня быў прысвечаны дзіцячай ініцыятыўнасці. Дэвізам дня сталі словы вядомай дзіцячай песні: «Будучыня за намі!». Сёння атрады самастойна спрабавалі правесці спартыўныя спаборніцтвы, акцябрат сабраў на гульнёвай праграме рысёнак Вогнік, а піянеры сустрэліся на гульнёвай праграме «У краіне Піянерыі». Таксама сёння дзеці-трэнеры праводзілі заняткі на творчых пляцоўках у рамках праекта «Роўны навучае роўнага».
14 чэрвеня ў прышкольным лагеры «Сонейка» прайшла дыялогавая пляцоўка да Года гістарычнай памяці «Інвестыцыі ў моладзь-інвестыцыі ў будучыню». Выхаванцы пазнаёміліся з дзейнасцю дзіцячых і моладзевых грамадскіх аб’яднанняў у Рэспубліцы Беларусь, наведалі дзіцячы прававы сайт mir.pravo.by, прыдумалі акцыі, якія змогуць правесці члены ГА «БРПА » і ГА» БРСМ » у лагеры, а таксама згулялі ў «Сваю піянерскую гульню».
13 ліпеня ва ўсім свеце адзначаецца Дзень вынаходніцтва шпількі, таму дзень 13 ліпеня ў лагеры быў аб’яўлены Днём вынаходніцтваў. Выхаванцы наведалі гадзіны зносін «Вынаходніцтвы ХХІ стагоддзя», папрацавалі ў майсэрні па вырабу сувеніраў з другай сыравіны «Другое жыццё», паўдзельнічалі ў спаборніцтвах па піянерболу. І выканалі ўмовы дэвіза дня: «Каб убачыць нешта новае, трэба здзейсніць нешта новае».