Губарык Ганна, старшыня Савета дружыны імя П. І. Клімука, прымае ўдзел у Рэспубліканскім конкурсе навукова-папулярнага відэа «Тэрыторыя ведаў» ў намінацыі «Фізічная культура і здароўе». Як зберагчы свае вочкі? Глядзім разам
Першы дзень канікул у школе традыцыйна прысвечаны бяспечным паводзінам. Сёння хлопчыкі і дзяўчынкі ўспомнілі правілы, калі застаешься адзін дома, наведалі круглы стол “Бяспечныя паводзіны – адказныя паводзіны” і дзіцячы прававы сайт mir.pravo.by. Таксама сёння першую энергію карыснасці «+10» атрымалі ўдзельнікі анлайн-праекта «Восеньскія канікулы. Цікава і карысна», якія малявалі плакаты на тэму бяспечных паводзін.
План работы школы на восеньскіх канікулах
Графік работы камп’ютарнага класа на восеньскіх канікулах
Графік работы аб’яднанняў па інтарэсах на восеньскіх канікулах
Графік работы спартыўнай залы на восеньскіх канікулах
Графік работы педагога сацыяльнага на восеньскіх канікулах
Графік работы бібліятэкі на восеньскіх канікулах
Графік работы педагога-арганізатара на восеньскіх канікулах
У рамках рэспубліканскай акцыі «Мары нараджаюцца — мары спраўджваюцца!» з 17 па 19 жніўня 2022 года ва ўстанове адукацыі “Нацыянальны дзіцячы адукацыйна-аздараўленчы цэнтр “Зубронак» адбыўся заключны этап рэспубліканскага конкурсу педагагічнага майстэрства спецыялістаў выхаваўча-аздараўленчых устаноў адукацыі “Мар! Дзейнічай! Перамагай!». Брэсцкую вобласць прадстаўляла педагагічная каманда выхаваўча-аздараўленчай установы адукацыі «Сонейка» дзяржаўнай установы адукацыі «Хараўская сярэдняя школа». У намінацыі «Лепшы педагог выхаваўча-аздараўленчай установы адукацыі» дыпломам 1 ступені ўзнагароджана Фядотава Аляксандра Аляксандраўна, кіраўнік каманды аздараўленчага лагера «Сонейка». Педагагічная каманда аздараўленчага лагера «Сонейка» ўзнагароджана дыпломам «За актыўны ўдзел у конкурсе педагагічнага майстэрства спецыялістаў выхаваўча-аздараўленчых устаноў адукацыі». Віншуем і ганарымся!
Актывісты піянерскай дружыны імя П.І.Клімука прынялі ўдзел у святочным канцэрце, прымеркаваным да жнівеньскай канферэнцыі педагагічных работнікаў раёна.
23 чэрвеня школьная каманда прыняла ўдзел у гульні «Летні квэст», якая праходзіла на базе СШ №1 г.Пружаны ў рамках Комплекса мерапрыемстваў па рэалізацыі праграмы «Забота».
23 чэрвеня старэйшыя атрады лагера «Сонейка» наведалі выратавальную станцыю на Пружанскім возеры, дзе прынялі ўдзел у майстар-класе па ратаванні на вадзе, а таксама музей у сярэдняй школе №1 г.Пружаны, дзе даведаліся пра падзеі Вялікай Айчыннай вайны на тэрыторыі Пружаншчыны.
23 чэрвеня — Міжнародны Алімпійскі дзень, таму дэвізам дня сталі знакамітныя словы ўсіх спартсменаў «Хутчэй. Вышэй. Мацней». Сёння ў лагеры прайшлі алімпійскія ўрокі «Беларусы на Алімпійскіх гульнях», Малыя Алімпійскія гульні і выстава малюнкаў «Мой любімы від спорта».
23 чэрвеня выхаванцы лагера «Сонейка» наведалі Школу Актыўнага Грамадзяніна. Сустрэча «Памяці герояў будзем дастойныя» праводзілася з мэтай фарміравання пачуцця патрыятызму, любові да Радзімы, гонару за сваю краіну на прыкладзе гераічных учынкаў людзей у ваенны час. Члены ГА «БРСМ» прачыталі вершы пра вайну, піянеры расказалі пра подзвігі сваіх равеснікаў-герояў Вялікай Айчыннай вайны. Завяршылася мерапрыемства хвілінай маўчання.
