Зімовыя прыгоды на канікулах. Дзень калядных віншаванняў і ўдзел каманды піянераў школы ў квэсце «Па слядах Перамогі»
6 студзеня ўдзельнікі анлайн-канікул павінны былі не толькі зрабіць калядную паштоўку, але і падарыць яе сябрам або родным. Таксама сёння каманда піянераў школы «Імпульс» (Губарык Маргарыта, вучаніца 5 класа, Шолахава Лізавета і Лушчык Максім, вучні 6 класа, Губарык Ганна і Рупека Ілья, вучні 7 класа, Вахновіч Антон, вучань 8 класа і Мірзаеў Рустам, вучань 9 класа) занялі ІІ месца ў раённым этапе квэсту «Па слядах Перамогі».
5 студзеня ўдзельнікі анлайн-праекта «Зімовы марафон» спачатку прынялі ўдзел у спаборніцтвах па вырабе сняжынак, а пасля адправіліся на дапамогу старэйшым. Дзень прайшоў не толькі крэатыўна, але і прадуктыўна. 
4 студзеня для ўдзельнікаў праекта быў абвешчаны Днём прагулак. Пасля знаёмства з памяткай «Правілы паводзін вучняў на дарозе зімой, або Навошта чалавеку флікер» удзельнікі абправіліся на прагулкі па сваіх вёсках і аграгарадках. Таксама сёння каманда акцябрат школы «Нашчадкі» (Наджафаў Давід, Кадука Арцём,вучні 4 класа і Імховік Вераніка, Гузарэвіч Андрэй, Рудзіч Мікалай, вучні 3 класа) заняла 4 месца раённым этапе квэста «Па слядах Перамогі».
Для вучняў 5 — 11 класаў запушчаны анлайн-праект «Зімовы марафон» у сацыяльных сетках «ВКонтакте» і «Теlegramm». Кожны дзень хлопчыкі и дзяўчынкі будуць атрымліваць тэматычныя заданні і дасылаць фотасправаздачы. А лепшыя здымкі мы будзем усе разам бачыць на старонцы школьнага сайте. Першае заданне вучні атрымалі яшчэ 31 снежня. Ім трэба было ўпрыгожыць навагоднюю прыгажуню-елку, а таксама яшчэ раз перачытаць пра правілы бяспечных паводзін на канікулах.
Апошні дзень у лагеры сонейка супаў з апошнім днём 2022 года. Хлопчыкі і дзяўчынкі прынялі ўдзел у святочным закрыцці лагера, навагоднім караоке, а таксама танцавальнай праграме. 
30 снежня выхаванцы лагера прынялі ўдзел у традыцыйнай конкурснай праграме «Міс і містэр лагера». Таксама сёння прайшлі пазнавальныя праграмы пра Рэспубліку Беларусь, час пазлаў і настольных гульняў, а таксама тэматычныя прагулкі.
28-29 снежня Скобля Аліна прымала ўдзел у рэспубліканскай дабрачыннай акцыі «Нашы дзеці». Галоўнай падзеяй дабрачыннага праекта стала навагодняе свята для дзяцей з удзелам Прэзідэнта і паказ прадстаўлення «Сузор’е зубра». 
29 снежня ў школе для вучняў прайшлі навагоднія святы. У гэты дзень акрамя Дзеда Мароза і Снягуркі да хлопчыкаў і дзяўчынак завіталі Бабуся Ягуся, Забавушка і Занудушка, вядомыя блогершы, а таксама жыхары казачнага лесу. Святы прайшлі цікава і весела. Няхай так жа пройдзе ўвесь надыходзячы 2023 год.
Снежань для членаў цімураўскага атрада «Аліна і яе каманда» пачаўся з «Рукавічак дабрыні». Акцябраты, піянеры і актывісты ГА «БРСМ» падрыхтавалі шмат чырвоных рукавічак з лагатыпам дабрачыннай акцыі «Цуды на Каляды», а пасля падарылі іх удзельнікам дадзенай акцыі. А завяршыўся снежань наведваннем вучняў школы, якія навучаюцца на даму, і віншаваннем іх з Новым годам. І канечне, уручэннем падарункаў. 
29 снежня ў лагеры прайшоў сапраўдны навагодні маскарад. Хлопчыкі і дзяўчынкі вучыліся рабіць рознакаляровыя маскі, а пасля правялі конкурс на самую арыгінальную маску.