Вучні 1 і 2 класаў у 2022/2023 навучальным годзе займаюцца ў аб’яднанні па інтарэсах «Юныя мастакі». Хлопчыкі і дзяўчынкі вучацца маляваць не алоўкамі і фарбамі, а пры дапамозе кляксаграфіі, сваіх пальчыкаў і нават ствараюць карціны з пластыліну!
Вучыцца ніколі не позна, тым больш калі ў вас выпускны экзамен! У 2022/2023 навучальным годзе для вучняў 9 класа арганізавана работа аб’яднання па інтарэсах «Таямніцы рускай мовы». Падчас заняткаў вучні ўдасканальваюць свае веды па рускай мове і рыхтуюцца да напісання экзаменацыйнага пераказу.
Вучні 5-6 класаў у 2022/2023 навучальным годзе займаюцца ў аб’яднанні па інтарэсах «Вывучаем родную мову». Вучні працуюць над гукавым афармленнем слоў, пашырэннем асабістага лексічнага слоўніку, і ўсё гэта адбываецца ў цікавай форме. Кожны занятак іх чакаюць крыжаванкі, фанетычныя загадкі, лексічныя рэбусы і многа чаг іншага, цікавага і карыснага пры вывучэнні беларускай мовы.
Для старшакласнікаў у 2022/2023 навучальным годзе арганізавана аб’яднанне па інтарэсах «Я-лідар. Хлопчыкі і дзяўчынкі развіваюць свае лідарскія ўменні і здольнасці, практыкуюцца рабоце ў камандзе і дапамагаюць у арганізацыі і правядзенні школьных мерапрыемтсваў.
Піянеры 5-6 класаў у 2022/2023 навучальным годзе сталі ўдзельнікамі аб’яднання па інтарэсах «Акадэмія піянера-лідара». На працягу года удзельнікі аб’яднання па інтарэсах будуць тэарэтычна і практычна знаёміцца з дзейнасцю ГА «БРПА», а таксама выступаць у ролі арганізатараў піянерскіх конкурсаў і мерапрыемстваў. І вось ужо 21 кастрычніка піянеры падрыхтавалі для вучняў 2 класа свята «Вітаем новых акцябрат».
Шмат гора і пакутаў зведала беларуская зямля ў гады Вялікай Айчыннай вайны. Незлічоныя людскія страты, знішчаныя населеныя пункты, разбураная гаспадарка, разрабаваныя культурныя каштоўнасці – жудасны вынік ваеннага ліхалецця для нашай краіны. Дзеля захавання памяці пра мільёны савецкіх грамадзян, якія сталі ахвярамі ў гады Вялікай Айчыннай вайны і пасляваенны перыяд, заканадаўчага забеспячэння абароны фундаментальных каштоўнасцей беларускага народа, устанаўлення дзейсных бар’ераў на шляху спроб фальсіфікацыі падзей і вынікаў Другой сусветнай вайны, справядлівай ацэнкі злачынстваў нацыстаў і іх памагатых, нацыяналістычных фарміраванняў у гады вайны і пасляваенны перыяд 5 студзеня 2022 года быў прыняты Закон Рэспублікі Беларусь «Аб генацыдзе беларускага народа».
Вучні 2-3 класаў у 2022/2023 навучальным годзе наведваюць аб’яданне па інтарэсах «Займальная інфарматыка», дзе будуць навучацца камп’ютарнай грамаце.
Прыхільнікі валейболу ў гэтым навучальным годзе правялі першы занятак у аб’яднанні па інтарэсах «Валейбол», дзе пасля традыцыйнай гутаркі аб правілах бяспечных паводзін пачалі працаваць над тэхнікай гульні ў валейбол. На працягу года юных спартсменаў чакаюць спартыўныя спаборніцвы, гульні, конкурсы.
