У рамках мерапрыемстваў, прымеркаваных да Года якасці ў прышкольным лагеры ў гэты дзень была праведзена гадзіна зносін «Беларусь — краіна са знакам якасці» спартландыя, а таксама дзеці наведалі Хараўскі клуб-бібліятэку.
31 мая ў нашай школе прайшло ўрачыстае мерапрыемства «Бывай, пачатковая школа!». Заканчэнне пачатковай школы — гэта вельмі важная і кранальная падзея ў жыцці вучняў 4 класа. І нядзіўна, што бацькі і класны кіраўнік Марчык Т.П. прыклалі максімум намаганняў, каб свята прайшло ярка, весела і надоўга запомнілася рабятам.
31 мая для вучняў школы празвінеў апошні званок, які апавясціў аб заканчэнні навучальнага года. Урачыстыя віншаванні дырэктара школы Сідарук Н.М., пажаданне настаўніцы пачатковых класаў. За плённую працу ў інтэлектуальных і творчых конкурсах, за перамогі ў спартыўных спаборніцтвах у гэтым навучальным годзе вучні атрымалі шматлікія граматы. Вучням, якім споўнілася 14 гадоў было ўручана падарункавае выданне «Я-грамадзянін Рэспублікі Беларусь».
У апошні дзень чвэрці у школе прайшла спартландыя «Брэстчына спартыўная» у рамках правядзення мерапрыемстваў па святкаванні 85-годззя Брэстскай вобласці. У спартландыі прынялі ўдзел вучні 5 — 8 класаў. Група балельшчыкаў падтрымлівала каманды «Спорт» і «Фізкультура». Пасля розных выпрабаванняў з невялікім адрывам перамогу атрымала каманда «Спорт».
29 мая вучні 1 класа развітваліся з букваром. Свята прайшло ў цёплай атмасферы.
25 мая для навучэнцаў 9,11 класаў прайшла ўрачыстая лінейка «Апошні званок», прысвечаная заканчэнню навучальнага года.
Напярэдадні Дня піянерыі з мэтай прапаганды дзейнасці дзіцячых арганізацый і аб’яднанняў, фарміравання ідэйна-маральнай і грамадзянска-патрыятычнай культуры падрастаючага пакалення, патрыятычнага выхавання навучэнцаў, папулярызацыі грамадскага дзіцячага руху, абмену вопытам работы дзіцячых арганізацый і аб’яднанняў у працэсе рознабаковых зносін дзіцячых лідэраў 18 мая 2024 года на базе дзяржаўнай установы адукацыі «Сярэдняя школа № 1 г.Пружаны імя Чырванасцяжнай Беларускай ваеннай акругі» прайшоў раённы злёт прадстаўнікоў грамадскага аб’яднання «Беларуская рэспубліканская піянерская арганізацыя».
6 самых актыўных членаў ГА «БРПА» нашай дружыны сталі ўдзельнікамі гэтага мерапрыемства. И атрымалі ўзнагароды за актыўны ўдзел розных конкурсах на працягу гэтага навучальнага года.
Школа Актыўнага Грамадзяніна “Радзіма мая Беларусь у асобах. Вынікі. VII Усебеларускі народны сход – галоўная палітычная падзея года” для старшакласнікаў.
16 мая вучні школы прынялі ўдзел у ваенна-патрыятычнай гульні «Зарніца — 2024». Наша каманда атрымала дыплом 1 ступені па медыцынскай падрыхтоўцы. Віншуем і ганарымся!
