1 сакавіка прайшоў раённы этап рэспубліканскага конкурсу “Я патрыёт сваёй краіны” ў рамках культурна-адукацыйнай патрыятычнай акцыі “Цягнік памяці”. Прадстаўніком нашай школы быў вучань 10 класа Саўчук Яўгеній. Конкурс праходзіў па такіх намінацыях як партфоліа, візітная картка, эссэ «80 мірных гадоў».
23 января учащиеся старших классов посетили избирательный участок в аг.Хорева, где проходит досрочное голосование по выборам Президента Республики Беларусь. В рамках экскурсии председатель избирательной комиссии рассказала об особенностях работы избирательной компании.
24 снежня ў школе прайшла ўрачыстая лінейка, прысвечаная заканчэнню ІІ чвэрці і Года якасці. Дырэктар школы Сідарук Н.М. павіншавала навучэнцаў з заканчэннем ІІ чвэрці і наступаючым Новым годам і Ражством, уручыла граматы за ўдзел у конкурсах і спартыўных спаборніцтвах, расказала аб бяспечных паводзінах на зімовых канікулах.
Для вучняў 9 — 11 класаў была праведзена інфармацыйная гадзіна па тэме «Выбары Прэзідэнта Рэспублікі Беларусь» з удзелам Старшыні Хараўскага сельскага выканаўчага камітэта Пстыга А. Г.
9 снежня для навучэнцаў нашай школы быў арганізаваны прагляд і абмеркаванне фільма «Залатая эпоха «Беларусьфільма» ў кінатэатры «Спадарожнік » у рамках святкавання 100-годдзя беларускага кіно.
Адзіны ўрок, прысвечаны 25- годдзю падпісання Дагавора паміж Расійскай Федэрацыяй і Рэспублікай Беларусь «Аб стварэнні саюзнай дзяржавы». Мэтай правядзення адзінага ўрока было садзейнічанне ўсведамлення вучняў аб каштоўнасці сяброўства паміж народамі Беларусі і Расіі.
3 снежня ў рамках тыдня прафарыентацыі і факультатываў «Мая прафесійная мара» і «Уводзіны ў аграрныя прафесіі» навучэнцы старэйшых класаў наведалі ААТ «Агра-Калядзічы». Вучням расказалі пра спецыфіку працы ў гаспадарцы, правялі па адміністрацыйным будынку гаспадаркі, а некаторыя і пасядзелі ў крэсле дырэктара. Святлана Мікалаеўна Ляўковіч расказала аб магчымасцях атрымання мэтавага накіравання для паступлення на сельскагаспадарчыя спецыяльнасці. А таксама вучні наведалі МТК у аг.Калядзічы і камбікормавы завод, на якім пазнаёміліся з асаблівасцямі вытворчасці камбікорму.
3 снежня навучэнцы ДУА» Хараўская сярэдняя школа» прынялі актыўны ўдзел у XII раённым інклюзіўным фестывалі #ВЫДАТНАЕ ДЗЯЦІНСТВА. Свята было прымеркавана да Міжнароднага Дня інваліда. Гэты фестываль нагадаў усім, што кожны чалавек унікальны, а творчасць, дабрыня і паразуменне — гэта вялікая сіла. Школьнікі глядзелі выступленні, натхняліся сілай духу ўдзельнікаў і вучыліся бачыць свет з розных бакоў.
28 лістапада ў рамках рэалізацыі адукацыйнай праграмы ШАГ — школа актыўнага грамадзяніна для навучэнцаў старэйшых класаў адбылася дыялогавая пляцоўка пад дэвізам «Маладосць — час выбару. Што можа ГА «БРСМ»?». Вучні пазнаёміліся з гісторыяй стварэння ГА «БРСМ», з мэтамі і задачамі, напрамкамі работы ГА»БРСМ». Госцем сустрэчы была памочнік члена Савета Рэспублікі Нацыянальнага сходу Рэспублікі Беларусь, юрысконсульт, актыўны член ГА «БРСМ» ААТ «Агра-Калядзічы » Янушка Анастасія Юр’еўна. Анастасія Юр’еўна расказала прысутным аб магчымасцях самарэалізацыі ў сельскай гаспадарцы, прывяла прыклады актыўнага ўдзелу членаў ГА «БРСМ» ААТ «Агра-Калядзічы» ў мерапрыемствах, якія праводзяцца па лініі ГА»БРСМ», матэрыяльным забеспячэнні маладых ініцыятыўных членаў арганізацыі, а таксама правяла прафарыентацыйную работу па выбары прафесіі ў сельскагаспадарчыя навучальныя ўстановы краіны і далейшым працаўладкаванні ў ААТ «Агра-Калядзічы».
Навучэнцы нашай школы Макарчук Паліна і Панасевіч Дамініка разам з кіраўніком гуртка «Краязнаўцы» Марчык Л.М. далучыліся да раённай фотаакцыі «ЗАХАВАЕМ ГІСТОРЫЮ: АКНО З МІНУЛАГА — ДЛЯ БУДУЧЫНІ», прысвечанай 85-годдзю ўтварэння Пружанскага раёна. Мэта акцыі — фарміраванне ў навучэнцаў каштоўнасных адносін да гісторыі роднага краю.
