Экскурсія ў зал Перамогі
18 лістапада для вучняў 2-3 класаў была арганізавана экскурсія ў зал Перамогі і на выставу «Па матэрыялах рассследавання фактаў генацыду беларускага народа» у ДУ “Пружанскі дзяржаўны аграрна-тэхнічны каледж”. Экскурсію для навучэнцаў праводзілі студэнты старэйшых курсаў. Дзеці змаглі дакрануцца да некаторых экспанатаў экспазіцыі, слухалі вельмі ўважліва пра падзеі, якія адбываліся ў гады Вялікай Айчыннай вайны. Па дарозе да Пружанская палаца культуры зайшлі ў сквер імя Гудзімава, дзе знаходзяцца экспанаты ваеннай тэхнікі. Пружанскі палац культуры майстар-клас па саломапляценню. Час прайшоў хутка і цікава.
1 лістапада вучні 7,9,11 класаў з кіраўніком па ВПВ Скобля Ю.М. здзейснілі экскурсію ў Мемарыяльны комплекс «Брэсцкая крэпасць-герой», дзе яшчэ раз паслухалі цікавыя факты з даваеннай гісторыі крэпасці, аб гераічнай абароне Брэсцкай крэпасці летам 41-га, а таксама пра пасляваенны перыяд.
Ва ўстанове адукацыі «Пружанскі дзяржаўны аграрна-тэхнічны каледж» навучэнцы 9,11 класаў на гэтым тыдні наведалі выставу, прысвечаную генацыду беларускага народа ў гады Вялікай Айчыннай вайны. Яе экспазіцыі распавядаюць аб незлічоных бедах і пакутах, якія прынесла Вялікая Айчынная вайна.
Вучні 5 -6 класаў наведалі школьную выставу «Генацыд беларускага народа». Удзельнікі аб’яднання «Школьны музей» расказалі аб некаторых фактах генацыду на нашай тэрыторыі ў гады Вялікай Айчыннай вайны.
Ва ўстанове адукацыі працуе выстава, прысвечаная генацыду беларускага народа ў гады Вялікай Айчыннай вайны. Яе экспазіцыі распавядаюць пра палітыку генацыду, рабавання і гвалту на тэрыторыі нашай краіны. На гэты раз наведалі выставу вучні 7 — 8 класаў.
3 кастрычніка вучні 3 — 4 класаў і іх настаўнікі наведалі школьную выставу «Генацыд беларускага народа». Члены ГА «БРСМ» (удзельнікі аб’яднання па інтарэсах «Школьны музей) і кіраўнік па ВПВ Скобля Ю.М. расказалі вучням аб знішчэнні насельніцтва БССР, зверствах, учыненых нямецка-фашысцкімі акупантамі ў гады Вялікай Айчыннай вайны.
Суботні дзень выдаўся вельмі насычаным і плённым. Ва ўстанове адукацыі прайшла гадзіна зносін «Цана Дня Перамогі», конкурс малюнкаў «Мае любімыя бабуля і дзядуля», працавала «Пошта дабрыні», у рамках якой вучні разносілі паштоўкі ветэранам педагічнай працы да Дня настаўніка, бабулям і дзядулям да дня пажылых людзей, акцыя «Абеліск». Вучні школы здзейснілі экскурсію ў музей-сядзібу «Пружанскі палацык» і музей ДУА «СШ №1 г.Пружаны імя ЧБВА» з наведваннем выстаў па генацыду беларускага народа, а таксама навучэнцы прымалі ўдзел у спаборніцтвах па лёгкаатлетычным кросе.
Вучні 1 -2 класаў і іх настаўнікі наведалі школьную выставу «Генацыд беларускага народа». Члены ГА «БРСМ» расказалі вучням аб знішчэнні насельніцтва БССР, зверствах, учыненых нямецка-фашысцкімі акупантамі ў гады Вялікай Айчыннай вайны.
22 чэрвеня ў нашай краіне адзначаецца Дзень усенароднай памяці ахвяр Вялікай Айчыннай вайны і генацыду беларускага народа. І ў лагеры «Сонейка» сёння прайшлі квэст «Сцяжынкамі вайны…Дарогамі міру», конкурс малюнкаў на асфальце «Мірнае неба над Беларуссю», а таксама выхаванцы лагера прынялі ўдзел ва ўсебеларускай хвіліне маўчання падчас мерапрымества каля помніка воінам Вялікай Айчыннай вайны ў аг.Харава.
17 чэрвеня ў лагеры быз аб’яўлены Днём маёй краіны і пачаўся з ўрачыстай лінейкі «Нашы сімвалы — наш гонар». Трэці атрад падрыхтаваў для усіх квэст «Акцябраты вывучаюць Беларусь», а пасля ўсе разам сабраліся на гульні «Мая Беларусь»і наведвалі школьную фотавыставу «Генацыд на Пружаншчыне: па матэрыялах расследавання».