Занальны злёт атрадаў юных інспектараў дарожнага руху
27 красавіка школьная каманда «Святлафор» прыняла ўдзел у занальным этапе злёту атрадаў юных інспектараў дарожнага руху. Каманда стала лепшай у конкурсе «Агітацыйна-мастацкае выступленне», Скобля Аліна перамагла ў асабістым першынстве ў конкурсе «Фігурнае ваджэнне веласіпеда», Ганна Губарык — у конкурсе «Аказанне першай медыцынскай дапамогі», Маргарыта Губарык і Максім Лушчык адзначаны падарункамі як самыя юныя ўдзельнікі злёту. У выніку каманда заняла агульнае 4 месца, саступіўшы трэцяму толькі 1 бал. Віншуем з годным прадстаўленнем Пружанскага раёна і жадаем далейшых поспехаў!
Лепшыя юныя інспектары дарожнага руху
16 красавіка каманда юных інспектараў дарожнага руху «Святлафор» (Губарык Маргарыта, вучаніца 4 класа; Лушчык Максім, вучань 5 класа; Губарык Ганна і Аліфірук Уладзіслаў, вучні 6 класа; Салагуб Алена і Вахновіч Антон, вучні 7 класа; Кавальскі Уладзіслаў і Скобля Аліна, вучні 8 класа; кіраўнікі Фядотава Аляксандра Аляксандраўна і Вашчук Марына Мікалаеўна) заняла першае агульнакаманднае месца сярод 15 устаноў адукацыі на раённым конкурсе юных інспектараў дарожнага руху і будзе выступаць на занальным этапе конкурса, які пройдзе ў г.Баранавічы.
Удзел у абласным этапе рэспубліканскага конкурсу «Лідар года»
31 сакавіка пераможца раённага этапа конкурса «Лідар года» Скобля Аліна разам з группай падтрымкі (Імховік Вераніка, Губарык Маргарыта, Ліштван Лізавета, Губарык Ганна, Жур Ангеліна, Зыбін Арцём, Кавальская Таццяна, кіраўнік Фядотава Аляксандра Аляксандраўна) выступіла на абласным этапе конкурса, які праходзіў у ЦМТ г.Брэста. Аліна разам з камандай выступілі творча, яскрава і яшчэ раз даказалі, што піянеры Хараўской сярэдняй школы і Пружанскага раёна творчыя і яскравыя!
Перамога ў раённым этапе конкурса «Піянер года-2022»
19 лютага Скобля Аліна прыняла ўдзел у раённым этапе конкурса «Піянер-года». Конкурс уключаў у сабе чатыры этапы: візітка «Лідар будучыні», «TikTok-партфоліа», «IQ-прэзентацыя» і «Талент». Аліну на конкурсе падтрымлівалі Чарэшка Аляксандра, Губарык Маргарыта, Ліштван Лізавета, Губарык Ганна і Жур Ангеліна. З конкурсу дзяўчынкі вярнуліся з перамогай, а значыць лепшы піянер года знаходзіцца ў Хараўской сярэдняй школе і гэта — Скобля Аліна. Віншуем Аліну, яе групу падтрымкі і жадаем поспехаў на абласным этапе.
