З 4 мая па 8 мая ў школе праходзіў Тыдзень «9 мая — Дзень Перамогі»
Тыдзень «9 мая — Дзень Перамогі» адкрылі ўрокі мужнасці “Горад Пружаны і Вялікая Айчынная вайна”, падчас якіх вучні пазнаёміліся з ваенным жыццём Пружанскай зямлі.Напрыканцы урока кожны клас атрымаў чыстую салдацкую хусцінку і 6 мая новыя рознакаляровыя хусцінкі былі дабаўлены ў палатно, якое ў мінулым годзе пачалі весці піянеры школы. Вучні пачатковых класаў у сваіх класах наладзілі выставы малюнкаў “Перамогай скончылася вайна”, а вучні з 5 па 11 клас пабывалі ў ролі рэдактараў і выдалі газеты “Галоўныя бітвы Вялікай Айчыннай вайны”
Акцыя «Беларусь памятае. Салдаты Перамогі» ў рамках рэспубліканскай героіка-патрыятычнай акцыі «Вялікай Перамозе — 75!»
8 мая, напярэдадні свята 9 мая, старшакласнікі запісалі аўдыёпаштоўку і павіншавалі ветэрана Вялікай Айчыннай вайны Жука Уладзіміра Іванавіча.
Акцыя «Сімвал Памяці» ў рамках рэспубліканскай героіка-патрыятычнай акцыі «Вялікай Перамозе — 75!»
Піянеры і члены ГА «БРСМ» школы прынялі ўдзел у акцыі «Сімвал Памяці», якую запусціў Рэспублікнаскі валанцёрскі цэнтр. Хлопчыкі і дзяўчынкі зрабілі фота каля помнікаў і мемарыяльных дошак, прысвечаных Вялікай Айчыннай вайне, размясцілі іх на сваіх старонках у сацыяльных сетках з хэштэгам #СимволПамяти.
Праект БРПА «ДабраДзел». Атрад «Праменьчыкі дабрыні». Віншуем і ганарымся!
Акцябрацкі атрад «Праменьчыкі дабрыні» (Губарык Маргарыта, 2 клас; Губарык Ганна, Вашчук Віталій, Крывашэева Наталля, Кныш Павел, 4 клас) стаў лепшым ў раёне па выніках удзелу ў вялікай гульні «ДабраДзел», якая была прымеркавана да 75-годдзя Перамогі савецкага народа ў Вялікай Айчыннай вайне.
Праект БРПА «ДабраДзел». Атрад «Праменьчыкі дабрыні». Абласны этап
Атрад «Праменьчыкі дабрыні» завяршыў працу над заданнямі абласнога этапа рэспубліканскай гульні «ДабраДзел». Юныя цімураўцы віншавалі родных з Днём абаронцаў Айчыны і Міжнародным жаночым днём, праводзілі мерапрыемства, прысвечанае Дню юнага героя-антыфашыста, закладвалі капсулу часу…
Cуботні дзень бяспечных паводзін
Апошняя субота чвэрці была традыцыйна прысвечана бяспечным паводзінам. Вучні пачатковых класаў здзейснілі літаратурнае падарожжа па часопісу «Юны выратавальнік», а старэйшыя шукалі самых кемлівых падчас віктарыны “Правілы дарожнага руху павінны выконваць усе”.
«Адкрыць на 100-годдзе Вялікай Перамогі»
Напярэдадні 75-годдзя Перамогі савецкага народа ў Вялікай Айчыннай вайне юныя ўдзельнікі рэспубліканскага праекта «ДабраДзел», акцябрата атрада «Праменьчыкі дабрыні», разам з піянерамі школы ўрачыста заклалі ў школьным музейным вугалку капсулу часу з пажаданнямі акцябратам і піянерам будучыні міру і дабра. Сімвалічным стаў подпіс на капсуле «Адкрыць у дзень 100-годдзя Вялікай Перамогі».