Прыём у акцябраты
27 кстрычніка піянерская дружына імя П.І.Клімука стала яшчэ больш! У сям’ю БРПА прыйшло дзевяць другакласнікаў, цяпер ужо акцябрат.
Старт рэспубліканскага конкурса «Пазнай Беларусь»
Басак Марыя, вучаніца 8 класа, і Мірзаеў Рустам, вучань 7 класа, выканалі першае заданне рэспубліканскага конкурса «Пазнай Беларусь» — «Гісторыя Беларусі» і падрыхтавалі паштоўкі пра малую радзіму.
Суботні дзень грамадскіх аб’яднанняў
Сёння для акцябрат прайшла пазнавальная праграма “Падарожжа з Вогнікам па краіне Піянерыі”, піянеры сустрэліся на віктарыне “Вогнік запрашае на квіз”. Таксама ўсім запомніцца завочнае падарожжа па сайце ГА “БРПА”.
З Днём нараджэння, БРПА
18 верасня піянеры дружыны імя П.І.Клімука святкавалі 30-годдзе ГА «БРПА». Танцавальная праграма, квэст «Піянерскія гісторыі 3.0», паштоўкі, прэзентацыя Вогніка, які цяпер пасяліўся ў дружыне, віншаванні, падарункі самым актыўным піянерам і агульны танец пад новую песню БРПА «Тэрыторыя дзяцінства».
«Лідар-патрыёт» і піянеры Хараўской сярэдняй школы
з 12 па 14 верасня лепшыя піянеры школы (Губарык Павел, Зыбін Арцём, Ангеліна Жур, Злата Варабей і Мікіта Курулюк) разам з намеснікам дырэктара па выхаваўчай рабоце А.А.Фядотавай сталі ўдзельнікамі традыцыйнага абласнога збору “Лідар-патрыёт”. У гэтым годзе лагер быў прысвечаны 30-гадоваму юбілею БРПА.
ІІ рэспубліканскі форум лідэраў ГА «БРПА» Піянерскія інавацыі 3.0″ у НДЦ «Зубронак»
8-10 верасня на базе НДЦ «Зубронак» з нагоды святкавання 30-годдзя Беларускай рэспубліканскай піянерскай арганізацыяй прайшоў II рэспубліканскі форум лідараў ГА «БРПА» «Піянерскія інавацыі 3.0». Пружанскі раён на форуме прадстаўлялі Фядотава А.А., намеснік дырэктара па выхаваўчай рабоце дзяржаўнай установы адукацыі «Хараўская сярэдняя школа» і Зубко А.А., культарганізатар дзяржаўнай установы дадатковай адукацыі «Цэнтр творчасці дзяцей і моладзі г. Пружаны».