Урачыстае ўручэнне пасведчанняў аб агульнай базавай адукацыі
17 чэрвеня для навучэнцаў дзявятых класаў адбылося ўрачыстае ўручэнне пасведчанняў аб агульнай базавай адукацыі. Свой першы дакумент аб адукацыі атрымалі восем выпускнікоў 9-х класаў. Дырэктар школы Сідарук Ніна Міхайлаўна пажадала дзецям зрабіць правільны выбар у жыцці і вызначыцца з выбарам будучай прафесіі. З добрымі словамі звярнулася таксама і класны кіраўнік Карнялюк Вольга Мікалаеўна і пажадала ўсяго найлепшага ў будучым.
Выпускны баль — 2024
14 чэрвеня запомніцца выпускнікам нашай установы на ўсё жыццё. Сёння для 8 юнакоў і дзяўчат адбыўся прыгожы і хвалюючы выпускны баль. У нашай школе ён праводзіцца ярка і маштабна, а падтрымаць адзінаццацікласнікаў, якія развітваюцца са школай, прыходзяць не толькі родныя, педагогі, але і сябры.
У добры шлях, выпускнікі!
Летнія прыгоды. Дзень пяты… Дзень якасці
У рамках мерапрыемстваў, прымеркаваных да Года якасці ў прышкольным лагеры ў гэты дзень была праведзена гадзіна зносін «Беларусь — краіна са знакам якасці» спартландыя, а таксама дзеці наведалі Хараўскі клуб-бібліятэку.
Бывай, пачатковая школа!
31 мая ў нашай школе прайшло ўрачыстае мерапрыемства «Бывай, пачатковая школа!». Заканчэнне пачатковай школы — гэта вельмі важная і кранальная падзея ў жыцці вучняў 4 класа. І нядзіўна, што бацькі і класны кіраўнік Марчык Т.П. прыклалі максімум намаганняў, каб свята прайшло ярка, весела і надоўга запомнілася рабятам.
Апошні званок для 1-8, 10 класаў
31 мая для вучняў школы празвінеў апошні званок, які апавясціў аб заканчэнні навучальнага года. Урачыстыя віншаванні дырэктара школы Сідарук Н.М., пажаданне настаўніцы пачатковых класаў. За плённую працу ў інтэлектуальных і творчых конкурсах, за перамогі ў спартыўных спаборніцтвах у гэтым навучальным годзе вучні атрымалі шматлікія граматы. Вучням, якім споўнілася 14 гадоў было ўручана падарункавае выданне «Я-грамадзянін Рэспублікі Беларусь».
Спартландыя «Брэстчына спартыўная»
У апошні дзень чвэрці у школе прайшла спартландыя «Брэстчына спартыўная» у рамках правядзення мерапрыемстваў па святкаванні 85-годззя Брэстскай вобласці. У спартландыі прынялі ўдзел вучні 5 — 8 класаў. Група балельшчыкаў падтрымлівала каманды «Спорт» і «Фізкультура». Пасля розных выпрабаванняў з невялікім адрывам перамогу атрымала каманда «Спорт».
СВЯТА БУКВАРА
29 мая вучні 1 класа развітваліся з букваром. Свята прайшло ў цёплай атмасферы.
Апошні званок для 9, 11 класаў
25 мая для навучэнцаў 9,11 класаў прайшла ўрачыстая лінейка «Апошні званок», прысвечаная заканчэнню навучальнага года.
