27 снежня члены дзіцячай палаты Пружанскага РС ГА «БРПА», у склад якой увайшоў і наш член ГА «БРПА» Грыгор’еў Ігар, прынялі ўдзел у акцыі «Тэрыторыя чараўніцтва» ў рамках навагодняй дабрачыннай акцыі «Нашы дзеці». Піянеры наведалі ГУСА «Пружанскі раённы цэнтр карэкцыйна-развіваючага навучання і рэабілітацыі», павіншавалі хлопчыкаў і дзяўчынак з надыходзячым Новым годам і падарылі ёлачныя цацкі і падарункі, якія зрабілі сваімі рукамі.
26 снежня каманда акцябрат нашай школы «Ой, да ладненько!» прыняла ўдзел у раённым этапе інтэллектуальна-забаўляльнай гульні «Вялікая акцябрацкая гульня».
Пачатак зімніх канікул для вучняў 1 — 5 класаў пачаўся па-сапраўднаму казачна. Вучні наведалі Рэзідэнцыю Дзеда Мароза ў Белавежскай пушчы. Казачныя героі правялі дзяцей па Алеі Казак і пазнаёмілі вучняў з казачнымі персанажамі, з легендамі Рэзідэнцыі.
У рамках правядзення Тыдня ведаў Правіл дарожнага руху, была праведзена гадзіна зносін «Зімовым забавам на дарозе не месца».
ДАІ інфармуе!
Каб зімовыя гульні заўсёды былі вясёлымі і прыносілі толькі радасць і смех, неабходна выконваць простыя правілы паводзін паблізу праезнай часткі ў дваровых тэрыторыях.
1. Праезная частка не месца для гульняў.
2. Пры перасячэнні праезнай часткі санкі трэба несці ў руках, а не цягнуць па дарозе.
3. У зімовы час праезная частка часцяком бывае слізкай.
4. Знаходзячыся на вуліцы, неабходна звесці да мінімальнага карыстанне гаджэтамі. Дарагія хлопцы! Запомніце-у дарогі няма вакацый. Будзьце ўважлівыя і асцярожныя.
24 снежня ў школе прайшла ўрачыстая лінейка, прысвечаная заканчэнню ІІ чвэрці і Года якасці. Дырэктар школы Сідарук Н.М. павіншавала навучэнцаў з заканчэннем ІІ чвэрці і наступаючым Новым годам і Ражством, уручыла граматы за ўдзел у конкурсах і спартыўных спаборніцтвах, расказала аб бяспечных паводзінах на зімовых канікулах.
Дабрачынная навагодняя акцыя «Нашы дзеці» працягваецца. 23 снежня 2024 года дэлегацыя Пружанскага раёна, у склад якой увайшлі і вучні нашай школы Бурчык Ганна і Усік Іван, прыняла ўдзел у дабрачынным навагоднім свяце для дзяцей на базе дзяржаўнай вучэбна-спартыўнай установы «Брэсцкі абласны цэнтр алімпійскага рэзерву па гульнявых відах спорту «Вікторыя» імя Анатоля Пятровіча Мяшкова». Павіншаваў рабят з надыходзячымі навагоднімі святамі старшыня Брэсцкага абласнога выканаўчага камітэта Пётр Аляксандравіч Пархомчык. Незабыўныя эмоцыі навучэнцы атрымалі ад навагодняга прадстаўлення, падрыхтаванага лепшымі дзеячамі культуры і мастацтва Брэсцкай вобласці.
План работы на зімовыя канікулы
Графік работы камп’ютарнага класа на зімовых канікулах
Графік работы гурткоў на зімовых канікулах
Графік занятасці спартыўнай залы на зімовых канікулах
Графік правядзення заняткаў педагогам сацыяльным на зімовых канікулах
Графік правядзення заняткаў бібліятэкарам на зімовых канікулах
План работы педагога-арганізатара на зімовых канікулах
Графік работы кіраўніка па ВПВ на зімовых канікулах
