З мэтай фарміравання ў вучняў уяўленняў аб ролі і значэнні сям’і ў жыцці кожнага чалавека і грамадства, традыцыйныя сямейныя каштоўнасці і пераемнасць пакаленняў; выхавання пачуцця любові і павагі да родных і блізкіх людзей, разумення важнасці даверных і паважлівых узаемаадносін як асновы сямейнага дабрабыту 15 мая быў праведзены адзіны ўрок, прысвечаны Дню сям’і.
На працягу двух дзён з 10 па 11 мая каманда «Арлы» прымала ўдзел у раённым этапе рэспубліканскай ваенна-патрыятычнай гульні «Арляня-2024», праходзячы спаборніцтвы на мясцовасці «Час каманды», у аглядзе строю і песні «Кожны з нас у страі!», «Трапны стралок», «Мужнасць! Адвага! Гонар!», «Баявы лісток», інтэлектуальным квіз-турніры «Памятаем пра мінулае, ганарымся сучаснасцю, думаем пра будучыню!».
12 мая 2024 года — Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. З 6 мая па 11 мая ў школе праходзіў тыдзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. У школе прайшлі наступныя мерапрыемствы: конкурс знаўцаў “Дзяржаўныя сімвалы Беларусі”, квіз-гульня “Ведаем, паважаем, ганарымся”, выстава “Дзяржаўная сімволіка Рэспублікі Беларусь. Ад гісторыі да сучаснасці”, класныя і інфармацыйныя гадзіны, агульнашкольная лінейка, прысвечаная Дню Дзяржаўнага герба, гімна, сцяга, на якой былі ўручаны падручнікі вучням «Я — грамадзянін Рэспублікі Беларусь».
У рамках марафона патрыятычных спраў у школе прайшоў фестываль ваеннай песні.
8 мая вучні нашай установы адукацыі наведалі Цэнтр бяспекі Камянецкага РАНС, з мэтай замацавання на практыцы ведаў аб дзеяннях у выпадку ўзнікнення розных надзвычайных сітуацый. Дзеці акунуліся ў свет бяспекі, атрымалі бясцэнны багаж ведаў і практычных навыкаў, якія з’яўляюцца асновай бяспечных паводзін у розных надзвычайных сітуацыях.
У рамках марафона патрыятычных спраў вучні школы наведалі выставы «Па матэрыялах расследавання фактаў генацыду беларускага народа». Члены ГА «БРПА» і ГА «БРСМ», удзельнікі аб’яднання па інтарэсах «Школьны музей» расказвалі вучням аб новых фактах генацыду ў час Вялікай Айчыннай вайны.
9 мая педагагічны калектыў школы разам з вучнямі прынялі ўдзел у мітынгах у аг. Харава і аг. Калядзічы, прысвечаным Дню Перамогі. Акцябраты школы сумесна з піянерамі і актывістамі ГА «БРСМ» са сваімі кіраўнікамі падрыхтавалі музычныя кампазіцыі і ўрачыста ўсклалі кветкі каля помнікаў.
З мэтай выхавання ў вучняў грамадзянскасці і патрыятызму, гонару за гераічнае мінулае Радзімы, гатоўнасці служыць на карысць свайго народа, фарміравання разумення каштоўнасці свету на Зямлі ў школе 8 мая быў праведзены адзіны ўрок, прысвечаны Дню Перамогі. Вучні ўспомнілі аб подзвігу нашага народа ў гады Вялікай Айчыннай вайны, аб тым, якой цаной была заваявана Перамога, генацыдзе беларускага народа ў гады ваеннага ліхалецця, аб тым, як народ змог выстаяць і перамагчы ў той страшнай вайне, якая мужнасць была праяўлена пры гэтым.
