Школа Актыўнага Грамадзяніна. Верасень 2018 г.
27 верасня пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Беларусь. Сацыяльна-эканамічныя і грамадска-палітычныя падзеі верасня».
Cуботні дзень сяброўства
22 верасня хлопчыкі і дзяўчынкі наведалі школьную суботу, якая была прысвечана сяброўству. Гадзіна зносін «Каго можна назваць сапраўдным сябрам», спартландыя «Гэты сябар мяч», мультурок «Мы выбіраем сяброўства»…Вучні пачатковых класаў у гэтую суботу нанеслі сяброўскі візіт Пружанскаму раённаму Дому рамёстваў. 22 верасня ў многіх краінах свету праводзіцца Сусветны дзень без аўтамабіля! Вучні нашай школы прынялі ўдзел у конкурсе малюнкаў «Разумны транспарт» і сталі ўдзельнікамі акцыі «Свет без аўтамабіля».
Еўрапейскі тыдзень мабільнасці
Сёлета 65 беларускіх гарадоў прымаюць удзел у Еўрапейскім тыдні мабільнасці (ЕТМ) – міжнароднай інфармацыйнай кампаніі, якая праходзіць з 16 па 22 верасня. Мэтай кампаніі з’яўляецца забеспячэнне ўстойлівай мабільнасці насельніцтва гарадоў, якая павінна будавацца, перш за ўсё на развіцці транспарту агульнага карыстання і стварэнні камфортных і бяспечных умоў для пешаходаў і веласіпедыстаў. Тэма ЕТМ-2018: «Выбірайце і рухайцеся з прапановай сфакусавацца на «мультымадальнасці» — выкарыстанні розных рэжымаў для розных паездак»
Суботні дзень малой радзімы
У другую суботу верасня сярод вучняў пачатковай школы прайшоў конкурс малюнкаў «Мая малая радзіма», старэйшыя сталі ўдзельнікамі гадзіны зносін «Я нарадзіўся тут» і віктарыны «Што я ведаю пра Радзіму». Пасля ўсе разам сустрэліся на фестывалі мастацтваў «Вялікія таленты малой радзімы», дзе перамогу святкавалі вучань 8 класа Бурчык Цімафей (намінацыя «Інструментальная творчасць»), вучаніца 7 класа Яблонская Хрысціна (намінацыя «Арыгінальны жанр»), вучаніца 5 класа Лаўраш Вікторыя (намінацыя «Дэкаратыўна-прыкладное мастацтва»).
З 10 верасня па 15 верасня ў школе праходзіў Тыдзень спорту і здароўя
З 10 па 15 верасня вучні школы прынялі ўдзел у мерапрыемствах, якія прайшлі ў рамках Тыдня спорту і здароўя. Спартландыі, спаборніцтвы па футболу і піянерболу, I этап рэспубліканскіх спаборніцтваў па легкай атлетыцы «Шкаліяда», эстафеты… Тыдзень прайшоў насычана, здорава і спартыўна!
З 10 верасня па 15 верасня ў школе праходзіў Тыдзень бяспечных паводзін
На працягу другога тыдня верасня ў школе праходзіў традыцыйны Тыдзень бяспечных паводзін, які адкрылі інфармацыйныя гадзіны “Правілы дарожнага руху. Для каго і навошта”. Пазнавальна-гульнёвая праграма “Я – пешаход”, віктарына “Што я ведаю пра бяспеку”, пазнавальная праграма “Азбука дарожнага руху” і многа іншага, цікавага і бяспечнага чакала навучэнцаў школы на гэтым тыдні.
З Днём нараджэння, піянерская арганізацыя!
14 верасня ў школе прайшоў піянерскі збор, прысвечаны Дню нараджэння Беларускай рэспубліканскай піянерскай арганізацыі. Пасля здачы рапартоў, прывітальных слоў важатай атрады прынялі ўдзел у піянерскім марафоне, які завяршыўся ўручэннем кожнаму піянеру паштоўкі «БРПА — мая арганізацыя» і сумесным выкананнем гімна беларускіх піянераў.
