Пад такім дэвізам у школе прайшлі мерапрыемствы, прысвечаныя 30-годдзю вываду войскаў з Афганістана. Члены ГА «БРСМ» падрыхтавалі і правялі інфармацыйны веснік «Верталёт як помнік той вайны», дзе расказалі пра помнік воінам-інтэрнацыяналістам, які ёсць у нашым горадзе. Таксама вучні наведалі гадзіну роздуму «Салдат вайны не выбірае» і спартлындыю.
Другая субота месяца традыцыйна праводзіцца пад дэвізам «За здаровы лад жыцця». Не стала выключэннем і субота 9 лютага, якая пачалася з гульняў з мячом. Затым вучні наведалі віктарыну «Пра здароўе ад А да Я», а на праглядзе відэафільмаў на тэму “Быць здаровым вельмі здорава” абмяркоўвалі плюсы здаровага ладу жыцця. Каманда школы прыняла ўдзел у раённых спаборніцтвах па стральбе. Таксама вучні здзейснілі падарожжа у Белавежскую пушчу і пагутарылі з самім Дзедам Марозам.
Я ўжо другі год працую настаўнікам фізічнай культуры і здароўя. Вышэйшую адукацыю я атрымала ў Брэсцкім дзяржаўным універсітэце імя А.С.Пушкіна. Ва ўніверсітэце было цікава і карысна вучыцца. Вольнага часу ў нас на факультэце фізічнага выхавання, ў адрозненне ад іншых факультэтаў, амаль не было, таму што пасля асноўных заняткаў мы спяшаліся на трэніроўку або зборы кожны па сваім відзе спорту. Я асабіста займалася лёгкай атлетыкай. Па другой спецыялізацыі “Фізкультурна-аздараўленчая і турысцка-рэкрэацыйная дзейнасць” я праходзіла практыку ў цэнтры з людзьмі з абмежаванымі магчымасцямі. Таксама мы тэставалі спартсменаў і людзей, якія не займаюцца прафесійным спортам, але якія цікавяцца ўзроўнем сваёй фізічнай падрытаванасці. Варта адзначыць, што на факультэце жадаючыя студэнты займаюцца і навуковай дзейнасцю. Я сама неаднаразова прымала ўдзел у навуковых канферэнцыях. За час вучобы я наведала многія гарады Беларусі, а таксама і замежныя гарады.
Салавенюк Наталія Іванаўна, настаўнік фізічнай культуры і здароўя
Установа адукацыі «Брэсцкі дзяржаўны ўніверсітэт імя А.С.Пушкіна», 2017 г.
24 студзеня старшакласнікі наведалі традыцыйны адзіны дзень інфармавання «Школа Актыўнага Грамадзяніна», які ў гэтым месяцы быў прысвечаны тэме «Беларусь сёння: захоўваючы і прымнажаючы добрыя традыцыі». Інфармацыйны блок складаўся з наступных частак «Рэспубліканскі навагодні баль для моладзі ў Палацы Незалежнасці», «XV Калядны міжнародны турнір аматараў хакея на прызы Прэзідэнта Беларусі», «XXIII рэспубліканскія спаборніцтвы сярод дзяцей і падлеткаў «Залатая шайба”, «Гульцы НХЛ правялі майстар-клас для ўдзельнікаў турніру «Залатая шайба». У рамках мерапрыемства перад навучэнцамі выступіў Чарняк Леанід Уладзіміравіч, галоўны аграном ААТ «Агра-Калядзічы», які быў узнагароджаны ў 2014 г. граматай Савета Мінстраў Рэспублікі Беларусь за дасягненне высокіх паказчыкаў па валавым зборы зернавых культур, у 2017 г. — дыпломам за 3 месца у абластных спаборніцтвах па уборцы зернавых і зернабабовых культур сярод галоўных аграномаў, і намеснік дырэктара па выхаваўчай рабоце Аляксандра Аляксандраўна Фядотава, якая была ўдзельніцай Рэспубліканскага балю выпускнікоў вышэйшых навучальных устаноў у 2011 годзе.
Суботні день беларускай навукі пачаўся са спартландыі «Алімпійскімі маршрутамі», а працягнуўся гадзінай зносін «Дасягненні беларускай навукі» і віртуальнай экскурсіяй па Нацыянальнай акадэміі навук Беларусі. Таксама вучні 3-7 класаў наведалі Пружанскі палацык, дзе змаглі праявіць свае здольнасці падчас квэста. Вучань 4 класа нашай школы Вахновіч Антон прыняў удзел у інтэлектуальным марафоне «Пазнайка – 2019».
