Школа Актыўнага Грамадзяніна. Люты 2019 г.
28 лютага пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Ганаровае званне — абаронца Айчыны».
Падчас сустрэчы будуць разгледжаны наступныя інфармацыйныя блокі: «Узброеныя Сілы Рэспублікі Беларусь»; «Афганістан: незабытая вайна (30 гадоў вываду войскаў з Афганістана)»; «Падрыхтоўка кваліфікаваных ваенных кадраў».
Суботні дзень грамадскіх аб’яднанняў
Суботні дзень грамадскіх аб’яднанняў пачаўся з марафона добрых спраў, а працягнуўся пазнавальнай праграмай «Зорка акцябронка» і піянерскім зборам «БРПА — мая сям’я», а завяршыўся праглядам і абмеркаваннем кінафільма «Цімур і яго каманда». Таксама вучні нашай школы прынялі ўдзел у VII раённым фестывалі фальклорнага мастацтва «Радавод», дзе занялі ІІ месца!
Мерапрыемствы да Дня абаронцаў Айчыны
22 лютага вучні пачатковай школы прынялі ўдзел у спартыўнай праграме «Юныя абаронцы», старэйшыя вучні прынялі ўдзел у шоу-праграме «Містэр школы-2018», дзе перамогу атрымаў Неміровіч Дзмітрый, вучань 8 класа. Таксама на працягу дня праходзіла акцыя «Намалюем паштоўку разам», у якой мог прыняць удзел кожны жадаючы.
Прафесія — ўрач
З 2018 года я працую ўрачом-інтэрнам агульнай медыцынскай практыкі ў Пружанскай цэнтральнай раённай бальніцы. Яшчэ ў 9 класе школы вырашыла, што буду паступаць у медыцынскі універсітэт, тады і вызначылася з прыярытэтнымі прадметамі і стала паглыблена іх вывучаць. Гэтымі прадметамі былі беларуская мова, біялогія і хімія. Дзякуючы ведам, якія я атрымала падчас вучобы ў школе, я паспяхова здала цэнтралізаванае тэставанне і, як і хацела, паступіла ў Гродзенскі дзяржаўны медыцынскі ўніверсітэт на лячэбны факультэт. Вучыцца было вельмі цікава, як і зараз працаваць. Часу на адпачынак у мяне амаль не было, таму што так хацелася даведацца яшчэ больш: пагартаць энцыклапедыі, пачытаць навінкі ў галіне медыцыны, сустрэцца з аднакурснікамі, каб абмеркаваць правільныя адказы на пытанні да экзаменаў і абавязкова разам з імі памарыць аб тым, як праз некалі гадоў мы збярэмся на медыцынскай канферэнцыі ў сталіцы нашай краіны або нават за яе межамі.
Гаршынёва Кацярына Дзмітрыеўна, урач-інтэрн агульнай медыцынскай практыкі
Установа адукацыі «Гродзенскі дзяржаўны медыцынскі ўніверсітэт», 2018 г.
Акцыя «Размаўляем па-беларуску»
21 лютага вучні школы прынялі ўдзел у акцыі «Размаўляем па-беларуску», прымеркаванай да Міжнароднага дня роднай мовы. Напрацягу дня ў школе працавалі настпуныя пляцоўкі «Пераклады», «Знайдзі слова ў слове», «Роднае слова на роднай мове», а таксама ўсе жадаючыя маглі прыняць удзел у агульнашкольным дыктанце «Матчына мова, родная мова» і наведаць выставу ў бібліятэцы «Слоўнік — твой надзейны сябар». І самае галоўнае, напрацягу дня ў школе гучала родная беларуская мова.
