У шосты дзень канікул і вучні, і настаўнікі прынялі ўдзел у акцыі да Міжнароднага дня абароны зямлі «Я буду берагчы нашу планету», наведалі мерапрыемствы, прысвечаныя абароне нашай планеты, а таксама калектыў вучняў школы (кіраўнік — настаўнік нямецкай мовы Ляшчук М.І.) прыняў удзел у раённым фестывалі вучнёўскіх тэатральных калектываў на замежнай мове “Assorti-2019”.
Пятніца на вясновых канікулах стала днём спартыўных перамог і спартыўных навін. Вучні прынялі ўдзел у гадзіне зносін «ІІ Еўрапейскія гульні 2019! Хутка ў Беларусі», а таксама шукалі самых спартыўных падчас спартландыі.
УВАГА! Вясновы этап акцыі-конкурсу (да ўдзелу запрашаюцца вучні, педагогі і работнікі школы!) па зборы макулатуры «Захавай дрэва — здай макулатуру» будзе доўжыцца да 22 красавіка. Пераможцаў чакаюць узнагароды! Макулатуру здавайце класным кіраўнікам!
Піянерская «СуперТройка» нашай школы ў складзе Вахновіча Антона, Усіка Міхаіла і Чабоцька С.С. прыняла ўдзел у абласным этапе рэспубліканскага конкурсу лідэраў «СуперТройка». Антон, Міхаіл і Святлана Сцяпанаўна прадстаўлялі наш Пружанскі раён і занялі ІІ месца. Віншуем і ганарымся!
У чацвер вучні школы наведалі з экскурсійнай праграмай мемарыяльныя комплексы «Хатынь» і «Курган Славы», а таксама прадстаўнікі нашай школы акцябронак Вахновіч Антон, вучань 4 класа; піянер Усік Міхаіл, вучань 10 класа і педагог С.С.Чабоцька, важаты, а таксама Усік Іван, вучань 1 класа, і А.А.Фядотава, намеснік дырэктара па выхаваўчай рабоце, прадстаўлялі наш Пружанскі раён у абласным этапе рэспубліканскага конкурсу лідэраў ГА «БРПА» «СуперТройка».
27 марта ў свеце адзначаўся міжнародны дзень тэатра, таму вучні школы здзейснілі онлан-падарожжа па тэатрах Беларусі і наведалі пазнавальную гадзіну «Тэатры нашай краіны».
