Тыдзень пачаўся з выставы кніг «Жывое слова мудрасці духоўнай». У рамках тыдня ў бібліятэцы на экскурсіі пабывалі першакласнікі. Гульня-віктарына «Успомні аўтара» сабрала вакол сябе кнігалюбаў 6 -7 класаў, а вучні пачатковых класаў наведалі пазнавальную гадзіну «Калі стукае капель». На працягу тыдня працавала акцыя «Падары кнігу бібліятэцы».
8 красавіка для вучняў VIII-XI класаў прайшоў адзіны дзень інфармавання «ШАГ» – «Школа Актыўнага Грамадзяніна» па тэме «Аб духоўных і маральных каштоўнасцях: дыялог пакаленняў». На сустрэчу быў запрошаны настаяцель Свята-Пакроўскай царквы Анатолій Васільевіч Кавальскі.
Выхавальнік дашкольнай групы Новік Таццяна Уладзіміраўна і настаўніца пачатковых класаў Новік Таццяна Аркадзьеўна абмеркавалі далейшую работу па забяспячэнню паспяховай адаптацыі выпускнікоў дашкольнай установы ў першым класе. Настаўніца пачатковых класаў падрыхтавала памяткі для бацькоў “Роля бацькоў у суправаджэнні дзіцяці на этапе пераходу з дзіцячага сада ў школу”.
Будучыя першакласнікі наведалі дзяржаўную ўстанову «Хараўская сярэдняя школа». Дзеці пазнаёміліся са школай, сваім класам,наведалі бібліятэку і музей. Дашкольнікі атрымалі новыя ўражанні ад зносін з дарослымі сябрамі.
7 красавіка ва ўсім свеце адзначаецца Дзень здароўя. Сёння школьны дзень пачаўся з агульнашкольнай ранішняй гімнастыкі. Сусветны дзень здароўя-гэта глабальная кампанія, якая накіравана на прыцягненне ўвагі кожнага жыхара нашай планеты да праблем здароўя і аховы здароўя, з мэтай правядзення сумесных дзеянняў для абароны здароўя і дабрабыту людзей. У жыцці кожнага чалавека самае галоўнае гэта здароўе.
У рамках акцыі «Прыйдзі і пакланіся» вучні Хараўской сярэдняй школы наведалі помнік воінам Вялікай Айчыннай вайны у в.Скорцы, а таксама на канікулах усклалі кветкі ля мемарыялу «Смага» ў мемарыяльным комплексе «Брэсцкая крэпасць-герой».
8 красавіка для вучняў VIII-XI класаў пройдзе адзіны дзень інфармавання «ШАГ» – «Школа Актыўнага Грамадзяніна» па тэме «Аб духоўных і маральных каштоўнасцях: дыялог пакаленняў».
