2 верасня ва ўстанове адукацыі прайшлі мерапрыемствы ў рамках акцыі «Адзіны рэспубліканскі дзень бяспекі»: класныя кіраўнікі правялі гадзіны зносін «Аб правілах бяспечных паводзін у вольны час, пры заходжанні ў экасістэмах і сельскагаспадарчых угоддзях». А у 13 гадзін 30 хвілін у школе была аб’яўлена планавая эвакуацыя.
Выдатная традыцыя склалася ў Беларусі: кожны новы навучальны год пачынаць з урока ведаў, прысвечанага якой-небудзь канкрэтнай важнай тэме. Гэты навучальны год пачаўся з урока «Я нарадзіўся тут, і край мне гэты дарагі» і быў прысвечаны малой радзіме.
1 верасня навучэнцы, бацькі і педагогі адправіліся ў новае цікавае і радаснае падарожжа па краіне ведаў. Для 11 першакласнікаў прагучаў іх першы званок. На свяце прысутнічалі старшыня Пружанскага райвыканкама Юрый Юр’евіч Бісун, начальнік аддзела па адукацыі Пружанскага райвыканкама Ірына Анатольеўна Казарэз, старшыня Хараўскога сельскага выканаўчага камітэта Алёна Рыгораўна Пстыга, намеснік дырэктара па ідэалагічнай рабоце ААТ “Айчына” Валянціна Міхайлаўна Жук.
