Апошняя субота лютага ў школе сабрала членаў ГА «БРПА» і ГА «БРСМ». Акцябраты разам з Вогнікам вывучалі традыцыі краіны падчас пазнавальнай праграмы “Вогнік запрашае пагуляць”, піянеры здзейснілі завочнае падарожжа па сайце ГА “БРПА”, а старшакласнікі сабраліся за круглым сталом “Будучае Радзімы Будаваць Маладым”.
Тыдзень традыцыйна пачаўся з тэматычнага шостага школьнага дня — Дня абаронцаў Айчыны. 23 лютага ў класах прайшлі інфармацыйныя гадзіны да Дня абаронцаў Айчыны і Узброеных сіл Рэспублікі Беларусь. Вучні пачатковых класаў прынялі ўдзел у конкурсе малюнкаў “Нашай Радзімы салдат”, а астатнія вучні выдавалі газеты «Ёсць такая прафесія – Радзіму абараняць!».
Акцябраты — шукальнікі і летуценнікі, таму ў лютым камандзе «Дзьмухаўцы» неабходна было паўдзельнічаць у калектыўна-творчай справе па стварэнню рукатворнага аб’екта. Акцябраты дружна прыняліся за справу і праз некаторы час заззяла сапраўдная акцябрацкая зорачка сяброўства, руплівасці, творчасці, акуратнасці і таленту. А яшчэ камандзір атрада прапанавала кожнаму зрабіць сваю асабістую зорачку, якая будзе нагадваць пра ўдзел у конкурсе.
25 лютага вучні VIII-XI класаў сустрэліся з дэлегатам VI Усебеларускага народнага сходу Усікам Сяргеем Мікалаевічам у рамках працы «Школы Актыўнага Грамадзяніна». Сяргей Мікалаевіч павдеаміў пра асноўныя моманты сходу, адказаў на пытанні старшакласнікаў.
З 22 лютага па 26 лютага вучні V-VII класаў у рамках работы адукацыйнага праекта «ШАГ» наведалі дыялог-спрэчку «Моладзевыя субкультуры: самавыяўленне ці пратэст?».
25 лютага для вучняў VIII-XI класаў пройдзе адзіны дзень інфармавання «ШАГ» – «Школа Актыўнага Грамадзяніна» па тэме «У адзінстве народа – сіла незалежнай дзяржавы».
Вучні 7 класа наведалі школьны музей з экскурсійнай праграмай «Жыццё беларусаў ХІХ стагоддзя». Юныя экскурсаводы аб’яднання па інтарэсах «Школьны музей» расказалі пра беларускі быт і запрасілі жадаючых папрацаваць у беларускай хаце.
22 лютага старшакласнікі запрашаюцца на адзіны дзень інфармавання «ШАГ» – «Школа Актыўнага Грамадзяніна» па тэме « У адзінстве народа — сіла незалежнай дзяржавы».
