Першы дзень у лагеры «Сонейка» — Дзень бяспечных канікул. Сёння выхаванцы не толькі вялі гутаркі пра бяспечныя паводзіны ў лагеры, у школе, на вуліцы і дома, на дарозе, але і прынялі ўдзел у спартыўных спаборніцтвах «Скок-шоу» і прагулцы «Сто крокаў здароўя». Галоўнай падзеяй стала свята адкрыцця лагера, дзе кожны атрад атрымаў граматы і маршрутныя лісты восеньскіх прыгод.
Апошняя субота першай чвэрці прайшла пад дэвізам «Бяспечныя канікулы-наш выбар!». Яна пачалася з мультурока “Правілы дзяцей на дарозе” і гульні-практыкума “У чым небяспека навушнікаў”, а завяршылася экскурсіяй “Сцежкамі малой радзімы крочым”. Таксама сёння члены ГА «БРСМ » правялі акцыю «Наша дапамога бібліятэцы».
У кастрычніку каманда акцябрат школы «Дзьмухаўцы» пачала падарожжа па рэспубліканскай квэст-гульні з QR кодамі «Палескія рабінзоны». Першымі выпрабаваннямі стала стварэнне ўласнага вугалка рабінзонаў, з якім каманда справілася хутка. Далей усе разам афармлялі першыя старонкі дзённіка, і расшыфроўвалі пісьмо Рабінзона. Заданні»3DD» і «Восеньская прагулка» былі найбольш складанымі, але і цікавымі. Падказка з новым QR кодам была хутка знойдзена і цяпер акцябрат чакаюць новыя лістападаўскія выпрабаванні. Старт дадзены. Поўны наперад!
На гэтым тыдні для вучняў V-VII класаў прайшлі заняткі ў рамках работы Школы Актыўнага Грамадзяніна па тэме «Фотаальбом «Сямейныя дынастыі». Вучні пазнаёміліся з дынастыямі беларусаў, а таксама падрыхтавалі міні-праекты «Мой радавод, мая сям’я». Сустрэчы прайшлі пад дэвізам — «Актыўны грамадзянін шануе і паважае інстытут шлюбу і сям’і, ён — адказны сем’янін».
28 кастрычніка старшакласнікі прынялі ўдзел у адзіным дні інфармавання для VIII-IX класаў па тэме «Гонар за Беларусь. Здароўе кожнага з нас – галоўная каштоўнасць». Вучні пазнаёміліся з дасягненнямі аховы здароўя, фармацэўтыкі. У нашай краіне створаны ўсе ўмовы для захавання і ўмацавання здароўя, бо ад здароўя кожнага залежыць здароўе грамадства, нацыі. Наша здароўе — гэта перш за ўсё наш лад жыцця. І менавіта ад нас залежыць ці будзе ў ім месца шкодным звычкам, або перавага будзе аддадзена фізічнай актыўнасці, спорту, рацыянальнаму харчаванню і да т.п. – здароваму ладу жыцця.
Увесь верасень першакласнікі вучыліся сядзець за партай, адказваць на ўроках, пасябравалі з многімі вучнямі. Пасля таго, як дзеці вывучылі ўсе правілы вучня, зладзілі свята. На ім першакласнікаў прысвяцілі ў вучні школы. Каб атрымаць медаль першакласніка, трэба было адправіцца ў падарожжа па краіне Ведаў на вясёлым паравозіку і годна прайсці ўсе выпрабаванні гэтага. І дзеці справіліся! Першакласнікі разгадвалі загадкі пра школу, вырашалі жартоўныя матэматычныя задачкі, падбіралі патрэбныя літары да малюначкаў з жывёламі. У перапынках паміж выпрабаваннямі гулялі ў вясёлыя гульні «Гэта ўсё мае сябры!» і «Гарачую бульбу», танцавалі, спявалі песню «Першаклашкі», выканалі жартоўныя прыпеўкі пра школу. Па заканчэнні падарожжа дзеці далі абяцанне добра вучыцца, быць паслухмянымі, выконваць парадак, вучыцца сябраваць і дапамагаць аднакласнікам. Увесь мой клас даў клятву вучня школы і ўрачыстым уручэннем медалёў першакласніка быў прыняты ў вучні.
28 кастрычніка для старшакласнікаў пройдзе адзіны дзень інфармавання па тэме «Гонар за Беларусь. Здароўе кожнага з нас – галоўная каштоўнасць» (аб дасягненнях аховы здароўя, фармацэўтыкі).
