Сучасны школьнік, на думку дыетолагаў, павінен есці не менш як чатыры разы ў дзень, прычым на сняданак, абед і вячэру абавязкова павінна быць гарачая страва. Для расту арганізма абавязковымі з’яўляюцца малако, тварог, сыр, кісламалочныя прадукты – крыніцы кальцыя і бялку. Дэфіцыт кальцыя і фосфару таксама дапамогуць папоўніць рыбныя стравы. У якасці гарніру лепш выкарыстаць не бульбу ці макароны, а тушаную або вараную гародніну (капусту, буракі, цыбулю, моркву, капусту). За дзень школьнікі павінны выпіваць не менш за адзін літр вадкасці, але не газаванай вады, а фруктовых ці агароднінных сокаў. У ранішні сняданак школьнікаў павінны абавязкова ўваходзіць хлебабулачныя вырабы, кашы (аўсянка зарэкамендавала сябе лепш за ўсіх), макароны, свежая гародніна, з садавіны – яблыкі, яны багатыя клятчаткай і пекцінам. Гэта складаныя формы вугляводаў, запас якiх неабходны дзіцяці. Астатнія вугляводы лепш размеркаваць на прамежкавыя прыёмы на працягу школьнага дня: фруктовыя напоі, чай, кава, булачкі, печыва, цукеркі забяспечаць пастаяннае паступленне свежых порцый глюкозы ў кроў. Усе гэта будзе стымуляваць разумовую актыўнасць школьнікаў.
ПРАВІЛЫ ЗДАРОВАГА ХАРЧАВАННЯ:
- Дзіця павінна есці разнастайныя харчовыя прадукты. Штодзённы рацыён дзіцяці павінен змяшчаць каля 15 найменняў розных прадуктаў харчавання. На працягу тыдня рацыён харчавання павінен уключаць не менш за 30 найменняў розных прадуктаў харчавання.
- Кожны дзень у рацыёне харчавання дзіцяці павінны прысутнічаць наступныя прадукты: мяса, сметанковае масла, малако, хлеб, крупы, свежыя гародніна і садавіна. Шэраг прадуктаў: рыба, яйкі, смятана, тварог і іншыя кісламалочныя прадукты, сыр – не абавязкова павінны ўваходзіць у рацыён харчавання кожны дзень, але на працягу тыдня павінны прысутнічаць 2-3 разы абавязкова.
- Дзіця павінна харчавацца не менш за 4 разы на дзень.
- Варта ўжываць ёдаваную соль.
- У міжсезонне (восень — зіма, зіма — вясна) дзіця павінна атрымліваць вітамінна-мінеральныя комплексы, рэкамендаваныя для дзяцей адпаведнага ўзросту.
- Для ўзбагачэння рацыёну харчавання школьніка вітамінам «С» рэкамендуем забяспечыць штодзённы прыём адвара шыпоўніка.
- Прыём ежы павінен праходзіць у спакойнай абстаноўцы.
- Калі ў дзіцяці мае месца дэфіцыт або лішак масы цела, неабходна кансультацыя лекара, бо ў гэтым выпадку рацыён харчавання дзіцяці павінен быць скарэкціраваны з улікам ступені адхіленні фізічнага развіцця ад нормы.
- Рацыён харчавання школьніка, які займаецца спортам, павінен быць скарэкціраваны з улікам аб’ёму фізічнай нагрузкі.
РЭКАМЕНДАЦЫІ:
- У харчаванні ўсё павінна быць у меру;
- Ежа павінна быць разнастайнай;
- Ежа павінна быць цёплай;
- Старанна перажоўваць ежу;
- Есці гародніну і садавіну;
- Есці 3 – 4 разы на дзень;
- Не есці перад сном;
- Не есць смажанага і вострага;
- Не есці ўсухамятку;
- Менш есці прысмакаў;
- Не перакусваць чыпсамі, сухарыкамі і т. п.