Інтэрнэт-гэта хуткі доступ да рознай інфармацыі, зносіны з сябрамі і блізкімі, магчымасць аператыўна абменьвацца навінамі і быць у курсе апошніх падзей. Усе гэтыя магчымасці звязаны з рознымі рызыкамі. Як і ў рэальным жыцці, знаходзячыся ў Інтэрнэце, важна заставацца ў бяспецы. Часам твае суразмоўцы могуць быць не тымі, за каго яны сябе выдаюць.
Kids.pomogut.by -гэта сумесная ініцыятыва прадстаўніцтва Дзіцячага фонду ААН (ЮНІСЕФ) у Рэспубліцы Беларусь і Міністэрства ўнутраных спраў Рэспублікі Беларусь, якая рэалізуецца пры падтрымцы Міністэрства замежных спраў Рэспублікі Польшча, у рамках праекта міжнароднай тэхнічнай дапамогі «Умацаванне ў Рэспубліцы Беларусь Нацыянальнага механізму перанакіравання пацярпелых ад гандлю людзьмі». Праект накіраваны на папярэджанне і процідзеянне эксплуатацыі дзяцей у сетцы Інтэрнэт.