Па ўспамінах каменчан пасля вайны ў цэнтры гэтай плошчы выкапалі велізарную яму, а ўначы мноства машын прывезлі вялікую колькасць драўляных скрынь з астанкамі загінуўшых. У 1955 годзе была ўстаноўлена скульптура воіна, а побач на індывідуальнай магіле палкоўніка Пятра Якаўлевіча Піўненкі ўстаноўлены абеліск. Піўненка П.Я., па словах відавочцаў, быў цяжка паранены снайперам падчас правядзення назірання за супернікам ужо пасля вызвалення Камянца. У 1975 годзе на брацкай магіле устанавілі новую скульптуру воіна і стэлу. У 1980 годзе ўстанавілі пліты з імёнамі загінуўшых, і быў запалены вечны агонь.

2 мая для навучэнцаў Хараўской сярэдняй школы была арганізавана адукацыйная экскурсія ў УК «Бярозаўскі гісторыка-краязнаўчы музей. Філіял «Галерэя мастацтваў». Навучэнцы наведалі экспазіцыі па такіх тэмах як «Вайна ў Афганістане», «Ад патэфона да Айфона», а таксама адной з экспазіцый быў «Канцлагер Бяроза-Картузская». Навучэнцам 7 — 8 класаў быў расказаны трагічны лёс людзей, якія адбывалі тут пакаранне.