Агульнаадукацыйная экскурсія ў палац Пуслоўскіх
29 лютага навучэнцы школы наведалі палац Пуслоўскіх, які многія прывыклі называць Косаўскім замкам, з’яўляецца помнікам архітэктуры XIX стагоддзя, а таксама наведалі выставу аб генацыдзе беларускага народа. Насупраць палаца Пуслоўскіх, на беразе возера знаходзіцца дом-музей знакамітага польскага ваенна-палітычнага дзеяча Тадэвуша Касцюшкі, які таксама з задавальненнем наведалі навучэнцы. Па дарозе дадому зрабілі прыпынак у в. Байкі ля помніка расстраляным фашыстамі ў 1943 годзе.
2024 год адзначаны важнай датай-35-й гадавінай з дня вываду савецкіх войскаў з Афганістана. Афганская вайна доўжылася больш за 9 гадоў — з 25 снежня 1979 г. па 15 лютага 1989г. З мэтай патрыятычнага выхавання дзяцей і моладзі ў рамках дэкады у школе прайшлі наступныя мерапрыемствы: віртуальнае падарожжа “Афганістан у лесах беларусаў. Знакавыя месцы”, інфармацыйныя гадзіны “Рэха вайны ў Афганістане”, урок мужнасці “Час выбраў нас, закружыў у Афганскай завеі», а таксама была арганізавана выстава “У іх лёсе была вайна”.
З мэтай стварэння аптымальных умоў для раскрыцця і рэалізацыі творчага патэнцыяла калектываў прайшоў раённы этап абласнога конкурса «У адзіным рытме» у рамках рэспубліканскага агляда-конкурса «Сэрцам адданыя роднай зямлі». Наша каманда ўдзельнічала ў намінацыі флаг-шоў і атрымалі перамогу. Віншуем і ганарымся!
Суботні дзень узаемадзеяння з сям’ёй прапанаваў вучням мноства мерапрыемстваў: гадзіна зносін “Навошта чалавеку сям’я”, спартыўнае свята “А ну-ка, хлопцы”, конкурс калажаў “Мая сямья”, а таксама члены ГА «БРПА» прымалі ўдзел у раённым этапе абласнога фетываля-конкурса “У адзіным рытме” у рамках рэспубліканскага агляда-конкурса “Сэрцам адданыя роднай зямлі”, а члены ГА «БРСМ» удзельнічалі у мерапрыемствах занальнага цэнтра “Адпачываем з карысцю” на базе ДУА “Кляпачская сярэдняя школа”.
21 лютага вучні 7 і 10 класаў наведалі Хараўскі выбарчы ўчастак №40. Старшыня выбарчага участка Ільяшэвіч Т.А. расказала аб рабоце ўчастка, дакументах для работы і паказала, як выглядаюць кабінкі для галасавання і ўрны для бюлетэняў.
8 лютага піянерская дружына імя П.І. Клімука ўспаміналі пра сваіх аднагодкаў, якія сталі героямі Вялікай Айчыннай вайны. Юныя героі былі такімі ж падлеткамі: вучыліся, размаўлялі, сябравалі, але ў іх бесклапотнае дзяцінства і юнацтва ўварвалася вайна, і яны ўсталі на абарону сваёй Радзімы. Глыбокае пачуццё патрыятызму не дазволіла ім застацца ў баку, і яны нароўні з дарослымі біліся з ворагам і працавалі, не пакладаючы рук.
Вечар сустрэчы заўсёды доўгачаканы і хвалюючы момант для выпускнікоў і настаўнікаў школы. Па традыцыі ў першую суботу лютага Хараўская сярэдняя школа сардэчна сустракае гасцей. Заўсёды душэўна, па-сямейнаму цёпла праходзіць гэтае мерапрыемства. І субота, 3 лютага 2024 года, не стала выключэннем. Школьныя гады — гэта мноства ўспамінаў, сапраўднае сяброўства, першае каханне, новыя веды, добрыя і дрэнныя адзнакі ў дзённіку.
27 студзеня 2024 года каманда піянераў» Ой, да ладно!» Хараўской сярэдняй школы прынялі ўдзел у занальным этапе рэспубліканскай інтэлектуальна-забаўляльнай гульні «Піянерскі квіз», якая прайшла на базе ўстановы адукацыі «Брэсцкі дзяржаўны абласны цэнтр маладзёжнай творчасці». Каманда піянераў » Ой, да ладно!» стала прызёрам занальнага этапу рэспубліканскай інтэлектуальна-забаўляльнай гульні «Піянерскі квіз » і была ўзнагароджана дыпломам III ступені грамадскага аб’яднання «Беларуская рэспубліканская піянерская арганізацыя». Віншуем і ганарымся!
27 студзеня у школе прайшоў дзень узаемадзеяння з сям’ёй. Для вучняў і бацьўскай грамадскасці былі прапанаваны наступныя мерапрыемствы: сямейныя пасядзелкі “Бацькі і дзеці. Калі ўсе дома”, рухомыя гульні з мячом, ралявая гульня “Якой будзе мая сям’я”.